ក្រុមហ៊ុន HP មានក្រាហ្វិកច្បាស់ទាក់ទាញចិត្តអ្នកលេងហ្គេមតែម្តង

ក្រុមហ៊ុន HP បានបង្ហាញកុំព្យូទ័រដៃជំនាន់ថ្មីរបស់ខ្លួន ដែលមានឈ្មោះថា ZBook 15u G3។ ZBook 15u G3 ត្រូបានរចនាឡើងយ៉ាងយកចិត្តទុកដាក់អមដោយការបំពាក់ និងភ្ជាប់សមត្ថភាពពិសេសៗ។

កុំព្យូទ័រនេះបំពាក់អេក្រង់ទំហំ 15.6 សមស្របសម្រាប់ការងារក្នុង និងក្រៅការិយាល័យ ដែលអេក្រង់របស់វាជាប្រភេទ Full HD មានកម្រិតស្តងដា IPS UWVA។ កុំព្យូទ័រនេះត្រូវបានភ្ជាប់ឈីប Intel Core i7-6500U dual-core មានល្បឿន 2.50GHz ធ្វើឱ្យដំណើរការក្នុងម៉ាស៊ីនអស់មានលក្ខណៈកាន់តែប្រសើរ។ សម្រាប់ផ្ទុកទិន្ន័យ កុំព្យូទ័រនេះមានភ្ជាប់ក្រហ្វិក AMD FirePro W4190M ល្បឿនលឿនសមស្របសម្រាប់អ្នកចូលចិត្តលេងហ្គេមអនឡាញ ឬហ្គេមកុំព្យូទ័រផ្សេងៗ។

កុំព្យូទ័រនេះមានសមត្ថភាពផ្ទុកទិន្ន័យរបស់់អ្នកបានច្រើនគ្រប់ប្រភេទ ដោយភ្ជាប់មេម៉ូរ៉ីទំហំ 512 GB Z Turbo Drive PCIe SSD និងភ្ជាប់អង្គចងចាំទំហំ 4 RAM។

ក្រៅពីនេះ កុំព្យូទ័រនេះមានភ្ជាប់ផតផ្សេងៗជាច្រើនដូចជា៖ ផតសម្រាប់ប្រើកាត SD/SDHC/SDXC  ផត 3x USB 3.0  និងថ្មលីចូម cell ចំនួនបី និងមានប្រព័ន្ធបំពង់បំពងសម្លេងខាងក្នុងរួចជាស្រេច។ សម្រាប់មុខងារចែកចាយឯកសារ វាមានភ្ជាប់បណ្តាញដូចជា WiFi 802.11ac និង  Bluetooth 4.2 LE ។